काठमाडौं । नेपाली बजारमा आइतबार सुनको मूल्य घट्दा चाँदीको मूल्य भने बढेको छ।
नेपाल सुनचाँदी व्यवसायी महासंघका अनुसार आज सुनको भाउ प्रतितोला १ हजार रुपैयाँले घटेर २ लाख ९५ हजार १ सय रुपैयाँ कायम भएको छ।
अघिल्लो दिन सुन प्रतितोला २ लाख ९६ हजार १ सय रुपैयाँमा कारोबार भएको थियो भने गत आइतबार २ लाख ९९ हजार २ सय रुपैयाँ पुगेको थियो।
यसैगरी, चाँदीको मूल्य भने आज वृद्धि भएको छ।
चाँदी प्रतितोला ६५ रुपैयाँले बढेर ५ हजार १० रुपैयाँ कायम भएको महासंघले जनाएको छ।
अघिल्लो दिन चाँदी ४ हजार ९४५ रुपैयाँमा कारोबार भएको थियो भने गत आइतबार ४ हजार ९९५ रुपैयाँमा किनबेच भएको थियो।
अन्तर्राष्ट्रिय बजारको प्रभावसँगै स्थानीय बजारमा सुनचाँदीको मूल्यमा उतारचढाव देखिएको व्यवसायीहरू बताउँछन्।
