बीरगन्ज । सशस्त्र प्रहरी बलले पर्साबाट साढे १० लाख मूल्यभन्दा बढीका भन्सार छलीका सामान पक्राउ गरेको छ । सशस्त्र प्रहरीले १० लाख ५७ हजार मूल्य बराबरका भन्सार छलीका सामान पक्राउ गरेको हो ।
सशस्त्र प्रहरी बल सीमा सुरक्षा गुल्मबाट खटिएको सशस्त्र प्रहरीको टोलीले बीरगन्ज महानगरपालिका वडा नम्बर १६ स्थितबाट उक्त मूल्यका सामान बरामद गरेको जनाएको छ ।
बरामद गरिएका सामानमा मोटरपार्टस्, कस्मेटिक, मोबाइल एक्सेसोरिज, लत्ताकपडा, इलेक्ट्रोनिक्स सामान लगायतका रहेका सशस्त्र प्रहरी नायब उपरीक्षक नरेन्द्र सिंह धामीले बताए ।
उनका अनुसार सवारी साधनसहित भन्सार छलेर भित्र्याइएका सामान आवश्यक कारबाहीका लागि भन्सार कार्यालयमा बुझाइएको छ ।
