बीरगन्ज । बीरगन्ज महानगरपालिकाले लामखुट्टे नियन्त्रणका लागि पम्प तथा ऐयर स्प्रे गर्ने तयारी गरेको छ ।
जाडोयामको सुरुवातसँगै बढ्दो लामखुट्टे नियन्त्रणका लागि महानगरपालिकाले पम्प तथा ऐयर स्प्रे गर्ने तयारी गरेको हो ।
सरसफाइ व्यवस्थापन शाखा प्रमुख सर्फुदिन मिँयाले कात्तिक १ गतेदेखि महानगरका ३२ वटै वडामा विषादी छर्ने तयारी गरिएको जनाए ।
उनका अनुसार लामखुट्टेको प्रकोप र त्यसबाट फैलिन सक्ने डेंगु, मलेरिया जस्ता प्राणघातक रोगको संक्रमण नियन्त्रणका लागि कार्यतालिका नै तयार पारी महानगरले विषादी छर्नेछ ।
लामखुट्टेको लार्भा मार्नका लागि बिहानदेखि साँझसम्म ३ राउण्ड पम्प स्प्रे तथा वयस्क लामखुट्टे मार्नका लागि बेलुकीदेखि रातीसम्म २ राउण्ड ऐयर स्प्रे गर्ने कार्यतालिका छ ।
महानगरले यो कार्यक्रम कात्तिक १ गतेदेखि २८ गतेसम्म सञ्चालन गर्ने जनाइएको छ ।
पम्प तथा ऐयर स्प्रे छर्ने कार्य कुन दिन कुन वडामा ? (सूचि)
