जनकपुर । मधेस प्रदेश सभाको बैठक दुई दिनपछि डाकिएको छ ।
मधेस प्रदेश सभाले यही पुस २ गते दिउँसो १ बजेका लागि सदनको बैठक बोलाएको हो ।
मधेस प्रदेश सभाकी उपसभामुख बबिता इसरका अनुसार सभामुख चयनको प्रक्रिया अघि बढाउनका लागि सदनको बैठक डाकिएको हो ।
आज बसेको कार्य परामर्श समितिको बैठकको सुझावअनुसार सभामुख चयनका लागि सदन सञ्चालन गर्न लागिएको उनले बताइन् ।
मुख्यमन्त्रीमा कृष्णप्रसाद यादव नियुक्त भएपछि प्रदेश सभाको बैठक बोलाइएको थिएन ।
लामो समयदेखि रोकिएको सदन अब सभामुख चयनको कार्यसूचीसहित सञ्चालन हुन लागेको हो ।
