चितवन । चितवन राष्ट्रिय निकुञ्जको हात्तीले आक्रमण गर्दा एक जना माउतेको ज्यान गएको छ । बिहिबार साँझ निकुञ्जको हात्तीले आक्रमण गर्दा एक जना माउतेको ज्यान गएको हो ।
मृत्यु हुनेमा सर्लाहीको हरिपुर नगरपालिका वडा नम्बर ६ का ३४ वर्षीय जग्दु सिंह रहेका छन् । उनलाई पसलबाट सामान लिएर सौराहास्थित हात्ती प्रजनन केन्द्र जाने क्रममा हात्तीले आक्रमण गरेको निकुञ्जका प्रमुख डिलबहादुर पुन मगरले बताए ।
उनका अनुसार खोरसोर नजिकको पुल क्रस गरेर जाँदै गरेका जग्दुलाई सिमलको रुखमुनि बसेको हात्तीले आक्रमण गर्दा मृत्यु भएको हो ।
जग्दुका साथमा रहेका एक जना भने भागेर बाँच्न सफल भएको निकुञ्जले जनाएको छ ।
