वीरगन्ज। गृह मन्त्रालयको बढुवा समितिले प्रहरी अतिरिक्त महानिरीक्षक (AIG) पदमा बढुवाका लागि सिफारिस गरेका चार जना प्रहरी नायब महानिरीक्षक (DIG) हरूको सूचीमा उमा प्रसाद चतुर्वेदी लाई दोस्रो स्थानमा राखेको छ।
बढुवा समितिको आज बसेको बैठकको निर्णयानुसार मधेश प्रदेश प्रहरी कार्यालय, जनकपुरमा कार्यरत नायब महानिरीक्षक चतुर्वेदीलाई ७१.४८०८ प्राप्ताङ्कसहित अतिरिक्त महानिरीक्षक पदमा सिफारिस गरेको हो। उनी पहिलो नम्बरमा सिफारिस भएका सुशील सिंह राठौरभन्दा झिनो अन्तरले पछि परेकी छन्।
उनी सहित सिफारिस भएका अन्य तीन जना नायब महानिरीक्षकहरूको नाम अब अन्तिम स्वीकृतिका लागि मन्त्रिपरिषद्मा पठाइनेछ। लामो समयदेखि नेपाल प्रहरीमा सेवा गरिरहेकी चतुर्वेदी यस सिफारिससँगै प्रहरी सङ्गठनको उच्च नेतृत्व तहमा पुग्ने निश्चित भएको छ। उनको सिफारिसले प्रहरी सेवामा उनले पुर्याएको योगदान र उच्च कार्यसम्पादनको मूल्याङ्कन भएको देखाउँछ।
प्रहरी नियमावली, २०७९ (संशोधन सहित) बमोजिम बढुवा सिफारिस गरिएको गृह मन्त्रालयले जनाएको छ।
