वीरगन्ज । लायन्स क्लब अफ रक्सौलले रक्सौल रेलवे स्टेशनको प्लेटफर्म नम्बर १ मा आज बिहान निःशुल्क स्वास्थ्य परीक्षण शिविर सम्पन्न गरेको छ ।
शिविरबाट सत्याग्रह एक्सप्रेस, मिथिला एक्सप्रेस र बाबाधामबाट आउने तथा जाने गरी करिब १६० जना यात्रुहरूले लाभ लिएका छन्। शिविरमा यात्रुहरूको रक्तचाप, मधुमेह (सुगर) र सामान्य रगत परीक्षण गरिएको थियो।
परीक्षणका क्रममा केही यात्रुहरूमा स्वास्थ्य समस्या देखिएपछि क्लबका सदस्य लायन डा. सुशील कुमार सिंहले चिकित्सकीय परामर्श प्रदान गरेका थिए। विशेषगरी, १५ जना यात्रुहरूलाई उनीहरूको जीवनशैली र आहार व्यवस्थाबारे विस्तृत जानकारीसहित विशेष चिकित्सकीय सल्लाह दिइएको लायन्स क्लब अफ रक्सौलले जनाएको छ।
यस मानवीय कार्यमा लायन्स क्लब अफ रक्सौलका पदाधिकारी तथा सदस्यहरूको सक्रिय सहभागिता रहेको थियो। शिविरमा क्लबका अध्यक्ष लायन बिमल सर्राफ, सचिव लायन मोहम्मद निजामुद्दीन, कोषाध्यक्ष लायन अमित कुमार, जोनल चेयरपर्सन लायन शम्भु प्रसाद चौरसिया लगायत लायन डा. सुशील कुमार सिंह, लायन डा. राजीव रंजन कुमार, लायन गणेश धानोठिया, लायन पवन किशोर कुशवाहा, लायन नारायण रुंगटा, लायन राजु गुप्ता, लायन साइमन रेक्स, लायन वसन्त जालान, लायन पंकज बरनवाल, लायन रमेश रौनियारको उपस्थिति थियो।
एसआरपी अस्पताल, लक्ष्मीपुरका निर्देशक तथा क्लबका सदस्य लायन संजय गुप्ताको सौजन्यमा अस्पतालको अनुभवी परीक्षण टोली, जसमा तनवीर हसन, निखिल कुमार, प्रियंका कुमारी र रेखा कुमारी समावेश थिए, ले शिविरमा महत्वपूर्ण भूमिका निर्वाह गरेका थिए।
शिविरको सफल व्यवस्थापनका लागि रक्सौल रेलवे स्टेशनका अधिक्षक अनिल सिंह र उनका सहयोगीहरूलाई पनि लायन्स क्लब अफ रक्सौलले विशेष धन्यवाद ज्ञापन गरेको लायन्स क्लब अफ रक्सौलका अध्यक्ष लायन बिमल सर्राफले बताए ।
