मकवानपुर । हेटौँडा काठमाडौँ जोड्ने छोटो दुरीको कुलेखानी–फाखेल–काठमाण्डौँ सडक अवरुद्ध भएको छ । पहिरोका कारण उक्त सडक अवरुद्ध भएको हो ।
जिल्ला प्रहरी कार्यालय मकवानपुरका अनुसार सो सडक खण्ड अन्तर्गत इन्द्र सरोवर गाउँपालिका वडा नम्बर २ सुकौरामा पहिरो खस्दा सवारी आवागमन ठप्प भएको हो ।
सोमबार बिहान ९ः३० बजेको समयमा उक्त स्थानमा सडकको माथिल्लो भागबाट पहिरो खसेको प्रहरीको भनाई छ । बिहीबारबाट भएको अविरल वर्षाका कारण पहिरो खसेको हो ।
सो स्थानको पहिरो हटाउन प्रहरी टोली परिचालन गरिएको र प्रहरीले स्थानीय जनप्रतिनिधिसँग समन्वय गरी बाटो खुलाउने पहल भइरहेको छ ।
यता पहिरोका कारण कान्ति लोकपथ बिहीबारबाट बन्द छ । वर्षा नरिकिएकाले बकैया(१२ घट्टेपाखामा खसेको पहिरो हटाउन समस्या भइरहेको प्रहरीको भनाई छ ।
