सिरहा । सिरहामा नालामा डुबेर एक नाबालिकाको ज्यान गएको छ ।
जिल्लाको मिर्चैया नगरपालिकामा नालामा डुबेर एक नाबालिकाको ज्यान गएको प्रहरीले जनाएको छ ।
नालामा जमेको पानीमा डुबेर नगरपालिकाको वडा नम्बर ५ निवासी किसुन साफीकी ५ वर्षिया छोरी आसिका साफीको मृत्यु भएको हो ।
सिरहा प्रहरीका अनुसार शनिबार घर छेउकै नालामा मृत अवस्था बालिकाको शव देखेपछि स्थानीयले प्रहरीलाई खबर गरेका थिए ।
बालिकाको शव पोस्टमार्टमका लागि प्रादेशिक अस्पताल सिराहामा राखिएको प्रहरीले जनायो ।
