रौतहट । रौतहट प्रहरीले भन्सार छलीका सामानसहित एकजनालाई नियन्त्रणमा लिएको छ ।
प्रहरीले विभिन्न ठाउँमा चलाएको सरप्राइज जाँचका क्रममा भन्सार छलीका विभिन्न सामानहरुसहित एकजनालाइ पक्राउ गरेको हो ।
भन्सार छलीका सामानसहित रौतहट प्रहरीले जिल्लाको गरुडा नगरपालिका वडा नम्बर –६ बस्ने कैलाश राउत भेडियरलाई पक्राउ गरेको प्रहरी प्रवक्ता दीपक कुमार रायले बताए ।
उनका अनुसार रायको साथबाट प्रहरीले भन्सार छलीका विभिन्न खुद्रा सामानहरु तथा मोटरसाइकलसमेत बरामद गरेको छ ।
प्रहरीले जारी गरेको विज्ञप्तिमा १ लाख १६ हजार रुपैयाँ मूल्य बराबरको लत्ताकपडा, किराना सामानहरु तथा एउटा गाइसमेत बरामद भएको लेखिएको छ ।
साथै करिब ५० हजार रुपैयाँ मूल्य बराबको ‘बीआर शुना ५ए’ ८२०० सय नम्बरको भारतीय मोटरसाइकल समेत बरामद भएको प्रहरीले जारी गरेको विज्ञप्तिमा भनिएको छ ।
बरामद भन्सार छलीका सामानसहित रायलाई समेत थप कारबाहीका लागि गौर भन्सार कार्यालयमा पठाइएको रौतहट प्रहरीले जानकारी दिएको छ ।
