रौतहट । हात्तीले आक्रमण गर्दा रौतहटमा एक जना वृद्धाको ज्यान गएको छ ।
फतुवा–बिजयपुर नगरपालिकामा हात्तीले आक्रमण गर्दा एक जना वृद्धाको ज्यान गएको हो ।
मृत्यु हुनेमा नगरपालिकाको वडा नम्बर ११ बुट्वा–राङी गाउँ बस्ने ७० वर्षीया पातली तामाङ रहेकी छन् । आफ्नै घरमा सुतिरहेको अवस्थामा उनलाई हात्तीले आक्रमण गरेको थियो ।
इलाका प्रहरी कार्यालय बिजयपुरका प्रहरी निरीक्षक इन्द्रमणि अधिकारीका अनुसार पातलीका श्रीमान्ले भागेर आफ्नो ज्यान बचाँउन सफल भए ।
हात्तीले आक्रमण गर्दा उनीसँगै थप दुइ घरमा क्षति पुगेको प्रहरीले जनाएको छ ।
घटनाबारे आवश्यक अनुसन्धान भइरहेको जिल्ला प्रहरी कार्यालय रौतहटले जनायो ।
