बीरगन्ज । उपकार सेवा नेपाल नामक संस्थाले बीरगन्जको एक विद्यालयमा सिलिङ पंखा वितरण गरेको छ । बीरगन्ज वडा नम्बर ३० लालपर्सास्थित एक विद्यालयमा संस्थाले पंखा वितरण गरेको हो ।
नेपाल राष्ट्रिय माध्यमिक विद्यालयमा आठ थान सिलिङ पंखा वितरण गरिएको आयोजकले जनाएको छ । जनमत पार्टी पर्साको पहल एवम् समन्वयमा विद्यालयलाई सिलिङ पंखा वितरण सामाजिक अभियान्ता प्रकाश थारुले बताए ।
विद्यालयमा सिलिङ पंखाको आवश्यकतालाई अध्यनजर गर्दै सिलिङ पंखा वितरण गरिएको उनले बताए ।
कार्यक्रममा संस्थाकी अध्यक्ष विद्या कुमारी सरावगी, जनमत पार्टीका पर्सा अध्यक्ष ओम प्रकाश सर्राफ लगायतको उपस्थिती रहेको थियो ।
