रौतहट । रौतहट प्रहरीले आज भन्सार छली गरेर ल्याइएका कुखुरा बरामद गरेको छ ।
रौतहटको इनर्वा नगरपालिका वडा नम्बर -२ बाट प्रहरीले प्रतिबन्धित बोइलर कुखुरा बरामद गरेको रौतहट प्रहरीले जनाएको छ ।
देवाहीगोनाही नाका हुँदै नेपाल भित्र्याउन लागिएको करिब २०० किलो कुखुरा जिल्ला प्रहरी कार्यालय रौतहटले बरामद गरेको छ।
इलाका प्रहरी कार्यालय देवानीगोनाहीबाट खटिएको प्रहरी टोलीले रौतहटको इशनाथ नगरपालिका वडा नम्बर- २ स्थित नजिकै भारतबाट नेपाल ल्याउँदै गरेको अवस्थामा कुखुरा बरामद गरेको हो।
भारतको नम्बर प्लेट BR30J1987 भएको मोटरसाइकलमा नेपाल ल्याइँदै गरेको उक्त कुखुरा बिक्रीका लागि ल्याइएको प्रहरीको प्रारम्भिक अनुसन्धानमा खुलेको छ ।
प्रहरीले कुखुरा नियन्त्रणमा लिएर स्थानीय प्रशासन तथा पशु सेवा कार्यालयको समन्वयमा आवश्यक कारबाही अघि बढाइएको जनाएको छ।
पक्राउ परेका दुई जना अहिले प्रहरी हिरासतमा रहेको जनाइएको छ ।
