वीरगन्ज । पर्सा प्रहरीले ११ जना फरार प्रतिवादीलाई पक्राउ गरेको छ ।
प्रहरीले एकैदिनमा ति संख्याका फरार प्रतिवादीलाई पक्राउ गरेको हो । विशेष सूचनाको आधारमा लुकिछिपी बस्दै गरेको अवस्थामा उनीहरुलाई पक्राउ गरिएको पर्साका डिएसपी किशोर लम्सालले बताए ।
उनका अनुसार जिल्ला अदालत पर्साबाट विभिन्न मुद्दामा जरिवाना तोकिएका अभियुक्तहरुलाई पक्राउ गरिएको हो ।
पक्राउ परेका सबैलाई आवश्यक कारबाहीका लागि पर्सा जिल्ला अदालतमा उपस्थित गराईएको प्रहरीले जानकारी दिएको छ ।
