वीरगन्ज। भिजिट भिसा प्रकरणमा गृहमन्त्री रमेश लेखकको राजीनामा माग गर्दै नेकपा माओवादी केन्द्रले संसदको अवरोध जारी राख्ने निर्णय गरेको छ ।
खुमलटारमा बसेको माओवादी केन्द्रको पदाधिकारी बैठकले गृहमन्त्रीले छानबिनका लागि राजीनामा दिनुपर्ने निष्कर्ष निकालेको हो । माओवादी केन्द्रका सचिव लीलामणि पोखरेलले सञ्चारकर्मीसँग कुरा गर्दै यो विषयलाई सशक्त रूपमा उठाउने र अन्य दलको पनि साथ लिएर गृहमन्त्रीको राजीनामा नआएसम्म सदन चल्न नदिने बताएका छन् ।
संवैधानिक बाध्यताका कारण हिजो बजेट पेश गर्नका लागि अवरोध नगरिए पनि अब संसद चल्न नदिने उनको भनाइ छ । यसअघि, प्रमुख प्रतिपक्षी दल नेकपा (एमाले) र नेपाली कांग्रेसका शीर्ष नेताहरूले भने गृहमन्त्रीको राजीनामा असम्भव रहेको बताउँदै आएका छन् ।
यसले संसदमा थप गतिरोधको सम्भावना बढेको छ । माओवादीको अडानले सरकार र प्रतिपक्षी दलहरूबीचको राजनीतिक द्वन्द्व गहिरिने संकेत देखिएको छ ।
