जनकपुरधाम । मधेश प्रदेश सरकारले प्रदेशभर कृषि क्षेत्रको विकास र विस्तारमा महिला सहभागिता बढाउन महत्त्वपूर्ण कदम चालेको छ ।
भूमि व्यवस्था, कृषि तथा सहकारी मन्त्रालयले ‘महिला कृषि स्वयंसेविका परिचालन कार्यक्रम’ अन्तर्गत १,४०० जना महिला कृषि स्वयंसेविका परिचालन गर्नका लागि दरखास्त आह्वान गरेको छ ।
मन्त्रालयले चालु आर्थिक वर्ष २०८१/८२ का लागि जेठ १५ गते सूचना प्रकाशित गर्दै इच्छुक तथा योग्य महिलालाई १५ दिनभित्र सम्बन्धित जिल्ला छनौट समितिको सचिवालयमा दरखास्त दिन आह्वान गरेको हो ।
को-कोले आवेदन दिन सक्नेछन्?
आवेदन दिन चाहने महिला उम्मेदवारहरू कम्तीमा १८ वर्ष पूरा भई ४० वर्ष ननाघेको नेपाली नागरिक हुनुपर्नेछ । साथै, मान्यताप्राप्त शिक्षण संस्थाबाट कम्तीमा एसईई (SEE) वा सो सरह परीक्षा उत्तीर्ण गरेको हुनुपर्नेछ । उम्मेदवारहरू सार्वजनिक लाभको पदमा कार्यरत नरहेको र सम्बन्धित स्थानीय तहको स्थायी बासिन्दा भएको प्रमाण पेश गर्नुपर्नेछ । मन्त्रालयले कृषि सम्बन्धी कार्यानुभव र तालिम प्राप्त व्यक्तिलाई प्राथमिकता दिइने जनाएको छ ।
आवश्यक कागजातहरू:
दरखास्त पेश गर्दा उम्मेदवारले निम्न कागजातहरू संलग्न गर्नुपर्नेछ:
सेवा सुविधा र दरखास्त दिने स्थान:
छनौटमा परेका महिला स्वयंसेविकालाई ‘महिला कृषि स्वयंसेविका परिचालन कार्यविधि, २०८१’ मा उल्लेख गरिएअनुसार सेवा सुविधा प्रदान गरिने मन्त्रालयले स्पष्ट पारेको छ ।
उम्मेदवारहरूले आफ्नो स्थायी ठेगाना अनुसार देहायका स्थानमा दरखास्त दिन सक्नेछन्:
यस सम्बन्धमा विस्तृत जानकारी मधेश प्रदेश सरकारको वेबसाइट https://molmac.madhesh.gov.np बाट प्राप्त गर्न सकिनेछ । यो कार्यक्रमले मधेश प्रदेशको कृषि विकासमा महत्त्वपूर्ण योगदान पुग्ने अपेक्षा गरिएको छ ।
