जनकपुर । जनता समाजवादी पार्टी (जसपा) नेपाल मधेस प्रदेश समितिले पार्टी समायोजनपछि पदाधिकारी तथा सदस्यहरूको शपथग्रहण कार्यक्रम आयोजना गरेको छ ।
जनकपुरस्थित प्रदेश पार्टी कार्यालयमा आज आयोजित कार्यक्रममा पार्टीका प्रदेश पदाधिकारी तथा सदस्यहरूको शपथग्रहणसँगै प्रथम कार्यकारिणी बैठक पनि आयोजना गरिएको हो ।
कार्यक्रममा जसपा नेपालका अध्यक्ष उपेन्द्र यादव, मधेस प्रदेशका पूर्वमुख्यमन्त्रीद्वय लालबाबु राउत गद्दी र जितेन्द्र सोनललगायतका नेताहरू सहभागी छन् ।
पार्टी समायोजनपछि आयोजना गरिएको शपथग्रहण तथा पहिलो कार्यकारिणी बैठकलाई मधेस प्रदेशमा पार्टीको संगठनात्मक संरचनालाई व्यवस्थित बनाउने र आगामी राजनीतिक गतिविधिलाई प्रभावकारी बनाउने दृष्टिले महत्त्वपूर्ण रूपमा हेरिएको छ ।
