वीरगन्ज । नेकपा एमालेका केन्द्रीय सदस्य तथा पूर्व अनेरास्ववियुका अध्यक्ष ऐन महरविरुद्ध पक्राउ पुर्जी जारी भएको छ।
बझाङ निवासी रश्मिला धामीले गालीबेइज्जती र चरित्रहत्यासम्बन्धी जाहेरी दिएपछि काठमाडौं जिल्ला अदालतले महरलाई पक्राउ गर्न आदेश दिएको हो।
जिल्ला अदालत स्रोतका अनुसार, धामीले महरविरुद्ध साइबर क्राइम ब्युरोमा जाहेरी दिएकी थिइन्। धामीले महरले सामाजिक सञ्जालमा आफूविरुद्ध अपमानजनक र चरित्रहत्या हुने किसिमका सामग्रीहरू पोस्ट गरेको आरोप लगाएकी छन्। यस सम्बन्धमा प्रहरीले अनुसन्धान सुरु गरिसकेको छ।
पक्राउ पुर्जी जारी भएसँगै प्रहरीले महरको खोजी सुरु गरेको छ।
