जनकपुरधाम । नेपाल भारत खुला सीमा संवाद समूहको आयोजनामा ‘धर्म, अध्यात्म र राष्ट्र’ विषयक एक विशेष विचार गोष्ठी सोमबार देवडिहामा सम्पन्न भएको छ ।
कार्यक्रमको केन्द्रबिन्दु पुरी शंकराचार्यका कृपापात्र शिष्य प्रेमचन्द्र झाको उपस्थिति रहेको थियो । गोष्ठीको अध्यक्षता गरेका देवचन्द्र झाले भगवान शंकराचार्यलाई यथाशीघ्र देवडिहा आगमनको लागि औपचारिक निमन्त्रणा समेत गरे । कार्यक्रममा प्रमुख अतिथि वरिष्ठ अधिवक्ता (कलकत्ता हाईकोर्ट) तथा पुरी शंकराचार्यका कृपापात्र शिष्य प्रेमचन्द्र झा रहेका थिए । उनले धर्म, अध्यात्म र राष्ट्रबोधको विषयमा गहन विचार प्रस्तुत गरेका थिए ।
विशेष अतिथिका रुपमा नेपाल भारत खुला सीमा संवाद समूहका अध्यक्ष राजीव झा, वरिष्ठ स्त्रीरोग विशेषज्ञ डा. आर.एन. झा, बुद्धिजीवी राजकुमार झा, मना जी, इन्द्रेश झा, कृष्ण कुमार साह, सुदीप महतो, ईश्वर कापर, शुभास झा लगायत उपस्थित रहेको थियो । समूहका अध्यक्ष राजीव झाले नेपाल–भारत खुला सीमाबाट हुने लाभ र सांस्कृतिक सम्बन्धमाथि प्रकाश पार्दै, खुला सिमालाई पूर्णले खुला नै गर्नुपर्ने आवश्यकता औंल्याए । कार्यक्रमले धर्म, अध्यात्म र राष्ट्रप्रेमबीचको सम्बन्ध र नेपाल–भारतको सांस्कृतिक एकतालाई अझ मजबुत बनाउने सन्देश दिएको आयोजकले जनाएको छ ।
