धनुषा । सिरहामा भएको रिंकु सदाय मृत्यु प्रकरणबारे अनुसन्धानका लागि छानबिन समिति गठन गरिएको छ ।
नवराजपुरकी सदाय मृत्यु घटनाबारे छानबिनका लागि मधेस प्रदेश प्रहरी कार्यालयले ५ सदस्सीय छानबिन समिति बनाएको हो ।
घटनाको सूक्ष्म अनुसन्धानका लागि प्रहरी वरिष्ठ उपरीक्षक शान्ती राज कोईरालाको संयोजकत्वमा पाँच सदस्सीय छानबिन समिति गठन गरिएको जनाइएको छ ।
उक्त समितिमा प्रहरी निरीक्षक तथा मुद्दा शाखाका कर्मचारीसहित पाँच सदस्यहरू रहेको प्रहरीले जनाएको छ । समितिले आजदेखि घटनास्थलमा गई घटनाको अनुसन्धान सुरु गरिसकेको छ ।
गत माघ ३० गते सिरहाको नवराजपुर गाँउपालिका १ भवगतीपुर टोलका विजुलिया सदायका १७ वर्षीया छोरी रिंकु आफ्नै घरको टिनको छानोमा झुण्डिएको अवस्थामा फेला परेकी थिइन् ।
घटना हुनुअघि उनीमाथि स्थानीय तीनजना युवकले सामूहिक बलात्कार गरेको, त्यसको पञ्चायत भएर मिलाउने प्रयास गरेको घटना बाहिर आएको छ ।
