पर्सा । पर्सा प्रहरीले ६१ पिस बोइलर कुखुरा नियन्त्रणमा लिएको छ । प्रहरीले जिराभवानी गाउँपालिका वडा नम्बर १ बलुवा टोलबाट बोइलर कुखुराहरु नियन्त्रणमा लिएको हो ।
विशेष सूचनाको आधारमा औराही खोलाबाट साइकलमा लुकाइछिपाई ल्याउँदै गरेको अवस्थामा कुखुराहरु पक्राउ गरेको इलाका प्रहरी कार्यालय पटेर्वासुगौलीका प्रहरी निरिक्षक प्रकाश थापाले बताए ।
उनका अनुसार प्रहरीलाई देख्नासाथ कुखुरा ल्याउने मानिस भने साइकल छाडेर फरार भएका छन् ।
बरामद कुखुरालाई आवश्यक कारबाहीका लागि प्रहरी चौकी महादेवपट्टीमा राखिएको प्रहरीले जनाएको छ ।
