वीरगन्ज । जिल्ला प्रशासन कार्यालय पर्साले शितलहरबाट बँच्न अनुरोध गरेको छ । बुधबार एक सूचना जारी गर्दै कार्यालयले यस्तो अनुरोध गरेको हो ।
जाडोयामसँगै यहाँ चिसोसँगै शितलहरको प्रकोप चलेकोले सावधानी अपनाउन प्रमुख जिल्ला अधिकारी गणेश अर्यालले आग्रह गरेका छन् । यो मौसममा तातो न्यानो कपडा लगाउन, अत्यावश्य कामबाहेक घरबाहिर नजान, तातोपानी र झोलिलो पदार्थ खान आग्रह गरेका छन् ।
यसैगरी जाडोमा दाउरा, हिटर ताप्दा सावधानी अपनाउन उनको अपील छ । कुनै समस्या परे नजिकको सुरक्षा निकाय वा वडा कार्यालयमा सम्पर्क गर्न जिल्ला प्रशासन कार्यालय पर्साले जिल्लाबासीमा अनुरोध गरेको छ ।
यसैगरी शितलहर सम्बन्धी कुनै गुनासो वा समस्या भएका ९८५५०२०९७७, ९८५५००१०५१, ९८४५८५०५४८ नम्बरमा सम्पर्क गर्न आग्रह गरिएको छ ।
