रौतहट । रौतहटमा एक जना कर्तव्य ज्यान मुद्दाका फरार प्रतिवादी १६ वर्षपछि पक्राउ परेका छन् ।
कटहरिया नगरपालिका-१ का ५२ वर्षीय जितन महतो नुनिया पक्राउ परेका हुन् ।
पक्राउ परेकामाथि म्याद थप गराइ आवश्यक अनुसन्धान भइरहेको प्रहरीले जनाएको छ । उनीमाथि आफ्नै भाइकी श्रीमती अर्थात् बुहारी शारदा देवीको हत्या गरेको आरोप छ ।
शारदाको २०६५ पुस २७ गते खेतमा गाडेको अवस्थामा शव फेला परेको थियो । त्यसबेलादेखि जितन फरार थिए ।
