सिरहा । करेन्ट लागेर सिरहामा एक जनाको मृत्यु भएको छ । सिरहाको धनगढीमाई नगरपालिका वडा नम्बर ५ जयपुर टोलमा करेन्ट लागेर एक जनाको मृत्यु भएको हो ।
मृत्यु हुनेमा स्थानीय ३६ वर्षका रघुनाथ साह रहेका प्रहरीले जनाएको छ । बुधबार बेलुकी आफ्नै घरमा विद्युतीय मोटर चलाई नुहाउने क्रममा करेन्ट लागेर गम्भीर घाइते भएका थिए ।
उनको प्रादेशिक अस्पताल लहानमा उपचारको क्रममा मृत्यु भएको हो । घटनाबारे प्रहरीले आवश्यक अनुसन्धान भैरहेको जानकारी दिएको छ ।
