सिरहा । सिरहामा ट्याक्टरको ठक्करबाट एक जना पैदलयात्रीको मृत्यु भएको छ । बरियारपट्टी गाउँपालिका वडा नम्बर ३ बलुवा टोलमा ट्याक्टरको ठक्करबाट एक जनाको मृत्यु भएको हो ।
ट्याक्टरको ठक्करबाट स्थानीय ४५ वर्षका बलु यादवको मृत्यु भएको प्रहरीले जनाएको छ । सोमबार बिहान उनलाई ट्याक्टरले ठक्कर दिएको थियो ।
ठक्करबाट गम्भिर घाइते भएका उनको प्रादेशिक अस्पताल सिरहामा उपचारका क्रममा मृत्यु भएको प्रहरीको भनाइ छ ।
यसबारेमा प्रहरीले अनुसन्धान गरिरहेको छ ।
