बीरगन्ज । पर्सामा सवारी दुर्घटनामा परी दुइ जना घाइते भएका छन् । जिल्लाको दुइ फरकफरक स्थानमा भएका सवारी दुर्घटनामा दुुई जना घाइते हुन् ।
बीरगन्ज महानगरपालिकाको वडा नम्बर १३ पावरहाउस चोकमा डिब्बा गाडीको ठक्करबाट मोटरसाइकल चालक घाइते भएका छन् । सिर्सियाबाट पावरहाउसतर्फ आउँदै गरेको ना ५ ख ३५७२ नम्बरको कन्टेनर डिब्बाको गाडीले ना ५१ प ४९२३ नम्बरको मोटरसाइकललाइ ठक्कर दिएको हो ।
ठक्करबाट पर्साको पकाहामैनपुर गाउँपालिका वडा नम्बर १ निवासी ५३ मुनिलाल सहनी घाइते भएका पर्साका डिएसपी किशोर लम्सालले बताए । गाडीको ठक्करबाट उनको हात खुट्टामा चोट लागेको र उपचारका लागि निलकण्ठ अस्पताल पठाइएको प्रहरीले जनाएको छ ।
प्रहरीले कन्टेनर चालक बीरगन्ज–२६ बस्ने ३४ वर्षका कमरुदिन अन्सारीलाई नियन्त्रणमा लिएको छ ।
यसैगरी बीरगन्ज महानगरपालिका वडा नम्बर २१ पटेल नगरमा ट्याक्टरको ठक्करबाट एक जना घाइते भएका छन् । घाइते हुनेमा सोही ठाउँकी ३५ वर्षीया अनिता देवी राम रहेका डिएसपी लम्सालले जनाए ।
परवानिपुरबाट पटेलनगरतर्फ जादैँ गरेको ना १ त १६८५ नम्बरको ट्याक्टरले आफ्नै घर अगाडी बाटोको छेउमा बसिरहेको अवस्थामा अनितालाइ ठक्कर दिएको थियो । ठक्करबाट उनको बाँया खुट्टामा चोट लागेको छ ।
उनलाई उपचारको लागि बयोध्या अस्पताल पठाइएको र ट्याक्टर तथा चालक सोही ठाउँका ४५ वर्षीय रामलाल पासवानलाई पक्राउ गरेको जनाएको छ ।
दुवै घटनाबारे आवश्यक अनुसन्धान भइरहेको प्रहरीले जनायो ।
