बीरगन्ज । कर्पोरेट सुपर सिक्स क्रिकेट प्रतियोगितामा बिहिबार ओम्नी ग्रुप विजयी भएको छ ।
बीरगन्जको आदर्शनगर रंगशालामा भएको खेलमा ओम्नी ग्रुप बिजयी भएको हो ।
खेलमा गरिमा बिकास बैँकलाई ३७ रनले पछि पार्दै ओम्नी ग्रुपले जितेको हो ।
टस जितेर पहिलो व्याटिङ गरेको ओम्नीले निर्धारित ६ ओभरमा ७३ रन बनायो । जवाफी ब्याटिङमा उत्रिएको गरिमा बिकास बैंक भने ३६ रन मै अलआउट भयो ।
खेलमा ओम्नी ग्रुपका रिकेश यादव म्यान अफ दि म्याच घोषित भएका छन् । प्रतियोगिता लायन्स क्लब अफ वीरगन्ज परिवार र स्पोटर्स एकेडेमीको संयुक्त आयोजनामा जारी छ ।
वीरगन्जको वाणिज्य बैंक, वीमा कम्पनी, विकास बैंक तथा औद्योगिक प्रतिष्ठान गरी १६ वटा टोलीको प्रतियोगितामा सहभागीता रहेको आयोजकले जनाएको छ ।
