बिरगञ्ज । पर्साको सखुवा प्रसौनी गाउँपालिकाले आज सार्वजनिक बिदा दिएको छ ।
नेपाल प्रिमियर लिगको उपाधि जनकपुर बोल्टस्ले जितेको खुसीयालीमा गाउँपालिकाले आज सार्वजनिक बिदा दिएको हो ।
शनिबार गाउँपालिकामा बसेको कार्यपालिको बैठक निर्णयअनुसार जनकपुर बोल्टले एनपीएलमा ऐतिहासिक जित निकालेकाले आज सार्वजनिक बिदा दिने निर्णय गरेको गाउँपालिकाले जनाएको छ ।
गाउँपालिका भित्रका सबै वडा कार्यालय, शैक्षिक संस्था, बैंक तथा वित्तीय संस्था, सबै स्वास्थ्य चौकीमा अत्यावश्यक बाहेक सबैमा स्थानीय बिदा दिइएको पालिकाले जारी गरेको सूचनामा उल्लेख छ ।
त्रिवि क्रिकेट मैदानमा शनिबार भएको फाइनल खेलमा सुदूरपश्चिम रोयल्सलाई ५ विकेटले हराउँदै जनकपुर बोल्टस्ले एनपीएलको पहिलो उपाधि जितेको हो । मंसिर १६ गतेदेखि भएको प्रतियोगितामा ८ फ्रेन्चाइज टिमहरुको सहभागीता रहेको थियो ।
