रौतहट । रौतहटमा कागजात विनाको सवारीसाधन प्रहरीले नियन्त्रणमा लिएको छ ।
ट्राफिक नियम उल्लङ्घन गरी कागजात विना ।चलाउने सवारीसाधनलाइ प्रहरीले पक्राउ गरेको जनाएको छ ।
पाँचवटा मोटरसाइकल प्रहरीले नियन्त्रणमा लिएको प्रहरी प्रवक्ता दीपककुमार रायले बताए ।
उनका अनुसार जिल्ला प्रहरी कार्यालय रौतहट तथा मातहत प्रहरी टोलीद्वारा विभिन्न स्थानमा गरिएको सवारी जाँचको क्रममा ती मोटरसाइकलहरू बरामद गरिएको हो।
मोटरसाइकल कागजात नभएका कारण नियन्त्रणमा लिइएको प्रहरीले जनाएको छ ।
प्रहरीका अनुसार बरामद मोटरसाइकलहरूको अनुमानित मूल्य तीन लाख पचास हजार रुपैयाँ रहेको छ।
नियन्त्रणमा लिइएका मोटरसाइकलहरू आवश्यक अनुसन्धान तथा कारबाहीका लागि भन्सार कार्यालय रौतहटमा पठाइएको छ ।
